Għeżież, Għat-tielet sena, ĊAMYouths ser norganiżżaw l-esperjenza ta' volontarjat mat-tfal ġewwa La Goulette fit-Tuneżija. Dan ser inkunu qed nagħmluh flimkien mas-Sorijiet Missjunarji tal-Karita (is-sorijiet ta' Mother Theresa). Matul din l-esperjenza, jingħata emfażi lill-aspett spiritwali u komunitarju. Din hija esperjenza unika li
titlob preparazzjoni konsiderevoli. Matul il-ħmistax ta' servizz li jagħtu l-voluntiera, il-basement
tal-istess dar jinqaleb fi skola għas-sajf għat-tfal li jgħixu viċin
l-istess dar. Tul il-ħin li t-tfal jgħaddu għand is-sorijiet, it-tfal
jitgħallmu l-Ingliż, jilgħabu, jagħmlu l-crafts u ssir ftit
preparazzjoni għall-festin żgħir li jsir quddiem il-ġenituri tal-istess
tfal fl-aħħar ġurnata li huma jattendu. It-Tuneżija huwa post
interessanti ħafna fejn il-Maltin għandhom rispett kbir mit-Tuneżini.
Il-poplu huwa ġeneruż u moħħu miftuħ fl-istess ħin. It-tfal huma
tal-ġenn. L-esperjenza hija mqassma fuq ġimgħatejn. Id-dati ta' din l-esperjenza huma mill-5 sad-19 ta' Awwissu 2012. Minħabba raġunijiet loġistiċi ħdax-il persuna biss jistgħu jagħmlu din l-esperjenza. Ladarba tintbagħat l-applikazzjoni u jsiru l-ewwel ftit laqgħat, tim ta' nies (magħrufin bħala PDT) jevalwaw u jagħzlu dawk il-kandidati li se jagħmlu din l-esperjenza. Il-PDT jirriserva d-dritt li jirrifjuta applikazzjoni f'konsultazzjoni mal-Leadership Committee.
L-applikazzjonijiet jagħlqu is-Ħadd 25 ta' Marzu 2012 fil-5 ta' filgħaxija.
Jekk għandkom xi mistoqsijiet dwar l-esperjenza tistgħu tibgħatu fuq l-email lc(at)camyouths.com Adrian f'isem Leadership Committee |
Home >
