Għeżież, Bi pjaċir nixtiequ nħabbru li ĊAMYouths ser nerġgħu norganiżżaw l-esperjenza ta' volontarjat mat-tfal ġewwa Napli. Bħas-soltu ser inkunu qegħdin ngħinu lill-Missjunarji tal-Karita (is-sorijiet ta' Mother Theresa). Matul din l-esperjenza, jingħata emfażi lill-aspett spiritwali u komunitarju. Din hija esperjenza unika li titlob preparazzjoni konsiderevoli. Din is-sena wara li kkunsidrajna l-feedback li rcevejna iddecidejna li l-esperjenza tkun imqassma fuq 3 ġimgħat. L-esperjenza ser issir bejn it-12 ta' Lulju u t-2 t'Awwissu 2015 (Id-dati huma ndikattivi u jistgħu jinbidlu skont l-esiġenzi tal-esperjenza). Ladarba tintbagħat l-applikazzjoni u jsiru l-ewwel ftit laqgħat, tim ta' nies (magħrufin bħala PDT) jevalwaw u jagħzlu dawk il-kandidati li se jagħmlu din l-esperjenza. Il-PDT jirriserva d-dritt li jirrifjuta applikazzjoni f'konsultazzjoni mal-Leadership Committee. Il-postijiet għall-esperjenza huma limitati. Tistgħu ssibu l-applikazzjoni iktar 'l isfel f'din il-paġna. L-applikazzjonijiet jagħlqu is-Sibt, 28 ta' Frar 2015. Jekk għandkom xi mistoqsijiet dwar l-esperjenza tistgħu tibgħatu fuq l-email lc(at)camyouths.com Chris f'isem Leadership Committee |
|
|
Kurrenti - L-Aħħar Ħarġa SKOP Rizorsi |
