SJH 2010 - Esperjenza ta' Volontarjat

Dan il-proġett, li huwa mmexxi miċ-ĊAMYouths u jdum minn 4 sa 5 ġimgħat matul ix-xhur ta’ Lulju u Awwissu, jikkonsisti f’ħidma ma’ tfal u adoloxxenti li jgħixu f’Dar San Ġużepp permezz ta’ programmi edukattivi, rikrejattivi u soċjali maħsuba għal etajiet differenti.

Il-proġett mhuwiex residenzjali, jiġifieri il-voluntiera mhux ser ikunu qed jgħixu fid-Dar, imma ser jintalbu jagħtu ħin bejn it-Tnejn u l-Ġimgħa.

L-applikazzjonijiet huma miftuħa għal persuni mhux membri taċ-ĊAMYouths, imma il-Leadership Committee jew min imexxi dan il-proġett f’isem iċ-ĊAMYouths, flimkien mad-Direzzjoni ta’ Dar San Ġużepp, jirriservaw id-dritt li jevalwaw u jiddeċiedu jekk l-applikant huwiex kandidat tajjeb għall-esperjenza bħal din jew le.

L-applikazzjonijiet għalqu nhar it-30 ta' Mejju 2010.