It-tieni edizzjoni ta' FUSION - Naraw, Nisimgħu, InxandruGħeżież ħbieb,
Nisperaw li lkoll tinsabu tajbin. Qegħdin niktbu rigward il-
live-in li ser isir għall-komunitajiet il-kbar i.e. Fusion 2010.
Bħas-sena li għaddiet, l-għan prinċipali ta' Fusion huwa li nsaħħu r-relazzjonijiet bejn il-komunitajiet il-kbar (u lejn iċ-ĊAMYouths) u jkollna opportunita' fejn nikbru flimkien f'ambjent aħjar li jilħaq iktar il-bżonnijiet tagħna. Din is-sena ser nindirizzaw il-valuri tas-Soċjeta Missjunarja ta' San Pawl u kif dawn jolqtu lilna bħala membri f'ĊAMYouths u fil-komunitajiet tagħha.
Il-komunitajiet tal-Kbar, Stripes, Sin Fronteras, Jóvenes, Amistad, Clusters, u Ateens huma nvitati sabiex jipparteċipaw. Fusion ser isir bejn il-5 u s-7 ta' Frar fil-
guesthouse Ocean Reef ġewwa Wied il-Għajn. Bħalissa għaddejja ħafna ħidma sabiex Fusion10 tkun esperjenza unika għalik. Għalhekk inħeġġuk li tattendi.
Il-prezz għal dan il-weekend ser ikun ta' €40. Dan jinkludi l-ikliet kollha (
ikla il-Ġimgħa; breakfast, lunch u ikla s-Sibt; u breakfast u lunch il-Ħadd), akkomodazzjoni, u jekk Alla jrid, t-Tshirt ta Fusion10.
Il-kmamar huma separati imma għall-koppji miżżewġin ħsibna li jkun hemm kmamar b'żewġ sodod. min hu miżżewweġ jista' jġib il-mara/r-raġel u jibqa' hemm għall-weekend kollu (ma jipparteċipax biss waqt il-laqgħat u l-ħin ta' talb tas-Sibt).
Dawk il-koppji miżżewġin li għandhom it-tfal huma mistednin jiġu bit-tfal. Min hu għarus jista' jistieden lill-maħbub/a biex jingħaqad magħna s-Sibt filgħaxija (20.30) għall-mument ta' rikreazzjoni.
Li nixtiequ mingħandkom hu li min ġej javża ftit lill-
Guide tal-grupp tagħkom u l-
Guides jekk jogħġobhom jinfurmawna bil-parteċipanti sal-15 ta' Jannar 2010.
Grazzi u awguri.
Insellmulkom
Victor u Pawlu
Programm ta' Fusion 2010Għafas fuq l-istampa t'hawn taħt sabiex tara l-programm.
Għafas fuq dan il-link għal verżjoni PDF.Mappa tal-Ocean Reef Guesthouse, Wied il-Għajn
View Ocean Reef, M'Scala in a larger map